ظره_عامه_على_الصيدليه والمضادات_الحيويه

..#نظره_عامه_على_الصيدليه و #المضادات_الحيويه

فضلت أبحث على النت على صيدليه نتدرب فيها كلنا فلقيت فعلا صيدليه اسمها #صيدلية_المتدربين..عمرها يتراوح مابين 30 الى 40 سنه يعنى عريقه .

جبت عنوان الصيدليه وروحت ....لقيت موجود شخص كبير السن اسمه #عم_أيوب ودكتور إسمه#أمجد ..

الدكتور أمجد قالى تعالى هقولك كلمتين الأول وبعد كدا عم أيوب هيعرفك شوية حجات ويديك نظره عامه عن الصيدليه .

الدكتور أمجد :
1. بص الصيدليه دى عامله زى اى مكان ليه جمهور او زوار او متابعين او ناس بتتردد عليها ...زى المستشفى وفيه رابط بينها وبين المسرح او التلفزيون ...هل عمرك شوفت مسرحيه اتعملت او فنان طلع عالمسرح بدون اعداد ....هل عمرك شوفت خطيب طلع يخطب ف الناس بدون مايكون محضر الخطبه ...انا بفهمك العامل المشترك فى اى مكان فيه جمهور ....لكن الاختلاف ف الصيدليه إن لو معلومتك ناقصه او غلط هتتسبب ف ضرر للمريض بتاعك بخلاف باقى الاماكن يعنى لو الخطيب غلط او محضرش الخطبه مش مشكله ولو فيلم اتعمل غلط برضه مش مشكله ماحدش هيموت ...لكن انت المفروض ماتغلطتش لان الغلطه الكبيره = ضرر كبير ممكن يسبب موت .

2. عشان ماتغلطش لازم تاخد فترة اعداد ...لازم تكون مستعد ومعلوماتك كامله وصحيحه عشان تقدر تقف قدام المريض وتتكلم بكل ثقه وتديه العلاج المناسب والمعلومات الصح وفترة الاعداد دى هتكون تحت ايدى هعلمك كل علاج ومعلوماته ولكن الصيدليه وجوها ونظامها هخلى عم ايوب يعرفهالك .

3. عم أيوب قالى بص يابنى الصيدليه دى ليها نظام ف ترتيب الادويه يعنى كل علاج محطوط بترتيب مش بالهبل كدا .

4. الترتيب بيكون نوعين إما كل الأدويه ترتيب أبجدى من A إلى Z ويكون جامع المضادات الحيويه مع مجموعة الفيتامينات ضمن الترتيب دا أو تكون الصيدليه متجزئه بمعنى إن الادويه من A الى Z لوحدها والمضادات الحيويه لوحدها والفيتامينات وحدها والقطرات عين او أذن لوحدها والحقن ف جزء لوحدها وبيكون دايما الجزء اللى تحت بالكامل خاص للأشربه والتلاجه بتكون خاصه لأدوية التلاجه وفيه صيدليات بتضيف ال Cosmotics ادوات التجميل ودى بتكون ف المناطق الراقيه او من غير الجزء دا 

منقول من صفحة دكتور بلال احمد للافادة.