اكتر سؤال بيطرح في البشرية وتفسير لكلمة مش عايز البديل

حد قبل كده فكر يسأل ليه الحقن تأثيرها أقوي وأفضل من الأقراص أو الشرب أو الأدوية اللي بتتبلع عموما ؟ طب حد فكر ليه ممكن يكون قرص بانادول مثلا بتاع شركة أقوي من قرص بانادول بتاع شركة تانية ؟

اتسألت السؤال ده وقلت أخلي الإجابة عامة للكل ....
بصو يا دكاترة في حاجتين مهمين جدا .. كله هيدرسهم في الفارما بإذن الله ....
أولهم ال First pass metabolism .. First pass effect .. Hepatic pass metabolism التلاتة حاجة واحدة أي إسم فيهم ينفع

يعني ايه دي ؟؟ باختصار حاجة بتحصل في حالة ال Oral route of adminstration يعني في حالة ما بناخد دوا بلع زي الاقراص والشرب كده .... بيحصل فيها إيه دي ؟
بص يا سيدي .... The first pass effect is the term used for the hepatic metabolism of a pharmacological agent when it absorbed from the gut and delivered to the liver via the portal circulation

حيلك حيلك .. ايه يا عم اللي انت بتقوله ده ؟؟ احنا لسه بنقول يا هادي
خلاص متزعلش .. باختصار لما بتبلع القرص مثلا بيروح عن طريق ال Portal circulation لل Liver ويتكسر جزء منه في الكبد الأول .. يحصله ميتابوليزم وطبعا فهمتو يعني ايه ميتابوليزم من البوست اللي فات هنحط اللينكات في الآخر
المهم بيتكسر جزء منه في الكبد والباقي من القرص هو اللي الجسم بيستفيد منه ويدي إيفيكت

.............

وعلي فكرة الميتابوليزم اللي هنا ده مش هو المتابوليزم النهائي اللي ذكرناه في البوست اللي فات ... لسه الدوا هيروح يتوزع علي مناطق الأكشن وبعدين يبقا يحصله ميتابوليزم نهائي .. وقلنا الفيرست باس إيفيكت دي بتحصل في حالة ال Oral route بس
.........................................................................................
.........................................................................................
المهم ده هينقلنا للحاجة التانية اللي عندنا وهي ال .....
Bioavailability
البيوأفيلابيليتي معناها .. قد إيه من الدوا اللي انا خدته بيتم امتصاصه والجسم يستفيد منه
وعشان كده في علاقة عكسية ما بين الفيرست باس إيفيكت والبيوأفيلابيليتي
The greater the first pass effect , the lower the bioavailability of the drug
يعني كل ما يكون الفيرست باس إيفيكت عالي ويتكسر جزء كبير من الدوا في الكبد .. يبقا هتقل البيوأفيلابيليتي لإن الجزء الباقي اللي هيمتص في الجسم هيكون قليل وبالتالي المفعول هيقل

طب الفيرست باس إيفيكت قلنا بيحصل في حالات الأورال بس عشان كده تلاقي البيوأفيلابيليتي في باقي الحالات أعلي من الأورال .. وتلاقي الحقن من أفضل الحاجات خاصة الوريد البيوأفيلابيلتي بتاعتها 100% لإنها بتدخل عالدم علي طول وبتدي أكشن في لحظتها ..

عشان مطولش عليكو في البوست ده .... هكمل الحتة بتاعة ليه قرص أفضل من قرص في بوست تاني إن شاء الله ...